الوفية - يونس سلمان

يمْه في صدري هموم وعالم أحزان وكآبه
كلما تناسيت همٍ زاد فيني مثله ميّه

اتعب اسأل عن جروحي بس ماألقى اجابه
حتى قلبي اللي مني صار يتحامل عليّه

كنت احسْب ان الشقا في دنيتي عبرة سحابه
مادريت ان السحابة صارت لقبي خوّيه

أحلف اني باستمر واقطع شرايين الرتابه
وتقطع اعزومي عذاباتٍ غدت بي سرمديه

يمْه منهو احسبه خلي تجافى وصك بابه
مارحم فيني المشاعر باعني وماحس فيّه

مادري هو سبّه عذابي أو أنا سبة عذابه
أو زماني غايرٍ ماوده يجمعنا سوّيه

يمْه حتى دفتري ماعاد تغريه الكتابه
مل من حبرٍ شكا ضيم وْ متاهات وْ أسيّه

مادرى انك عزى قلبي في أحزانه وْمصابه
وان من بين الملا لاجلي بتظلين (الوفيّه)