سلام - بديوي الوقداني
سلام يابن عون عساك تسلم
يا نجم من فرع النجوم المطلات
يا سيدي شاكي عليك المقدم
نقص من المعلوم خمسة ريالات
عيا عيها ما قدرت آتكلم
وليا طلبته قال هذي حوالات
انا احسب المكتوب حايز مولم
واثره بعيد ومن وراه عشر ليات
كتبت لي جوخه وسلمن مسلم
لا سلم جا وافي ولا جوختي جات
ان جيت ابا اطلبها عليها تقدم
وان جيت ابا اصبر حط فيها دبارات
هذا بعد عفت الحمول المردم
كيف احتمل كل المعاني خسارات
ولو كان انا خليتها ما تندم
لكن راحت واكثر الناس شمات
كم واحدن من سوق مالك تغنم
واليوم لابس له من الجوخ بدلات
ويركب جياد الخيل وامسي معظم
اشرد من العصفور لو تنهمه مات
ولو ان راسه يوجعه ما تحجم
خايف يشوف الدم ويموت فجعات