الواجب اكبر - خالد الفيصل
الواجب اكبر يا بوخالد علينا
لو بعت أنا روحي فلا ظني اوفيه
يا اللي لطلاب المعونه عوينا
كريم نفس وغالي المال تصخيه
لى جاك شكاي الهموم الحزينا
تشيل عنه الهم ويروح ناسيه
انت الذي لك كل قلب يلينا
يجيك من جرحه عطيب وتبريه
وأنت الأبو وأنت الأخو والظنينا
وانت الصديق اللي نحبه ونغليه
ان جاز طرفك يا سنادي جزينا
ما تهتني عيني وعينك تقاسيه
لا تشتكي يا شيخ خل الونينا
واللي تبي لو كان بالروح نشريه
لا والله الا يا بو خالد مشينا
لوازمي تبقى ولوازمك نقضيه