المرأة والحمار - خالد رجب
آه يا حزني علينا يالرجال
حزن مدري كيف اقوله واكتبه
ادري إنا للصعاب وللثقال
وادري إنا زايدين بمرتبه
وادري إنا مثلما هذي الجبال
لو ماهو حنا تميد الاتربه
لكن اللي ودي إنه ما يقال
واللي احاربه جهدي واشجبه
إن بعض اهل المعالي والجلال
ينصرون اللي بودي نغلبه
ياجماعه ذا حرام وذا حلال
وذاك عيب وذا لزمٍ نرهبه
وش نسوي بالشماغ وبالعقال
طالما الرجال باسمه وشنبه
وكيف ندعي للجهاد وللقتال
وبعض خلق الله ظله يرعبه
ياجماعه كل شيٍ له مجال
وكل شي لاصله لزومٍ ننسبه
والحقيقه ذا زمان الانحلال
كل شيٍ فيه ماعد ارغبه
طالما الرجال يبحث للدلال
والمره تبغى حمارٍ تركبه