رباعيات - خالد صالح الحربي
كنّ حلمي في مهبّ الريح ريشه
يا (أماني) هو بقى غيرك أماني ؟
آه يا جنّة "غلاي" وياعريشه
آآه يامنّة "وفاي" وْياإمتناني
وش يعزّي هالسجين إلا (الدريشة)
وش يبعثر هالعمر غير (الثواني)؟
مالقيت آمرّ من(شضف المعيشه)
ومالقيت آسرّ من(حدب المحاني)
***
أحيان أفرّج ضيقتي بالكتابة
وأحيان أحس إنّ الكتابة هي الضيق
(روتين) لا والله (ملل) لا رتابة
لا كلّهن يمكن على (قِلّ توفيق)
وين أنت يا "وجهٍ" ذبحني غيابه
(يخرب مطنّ) اللي سعوا بالتفاريق
كنت أكثر اللي يجهلون الكآبة
واليوم لي معها (عهود ومواثيق)