خربشات - خالد صالح الحربي
( 3 )
هَذِي الْبِلاَد : تْرَبّي الْفَقْر وَ الجُوع
حَتّى الرّغِيف بْذِمّتِي مُرّ طَعْمِه
خَلّينَا مِنْهَا عِنْدِي 2000 موضُوع
مَا دَامَنَا بخِيرٍ من الله وْ نِعْمَه
هَاتِي يَدِكْ مَا دَامَنا بـ اوّل اسبُوع
القَلْب يَبْغَى مِن مَعالِيك : دَعْمِه
( 2 )
هَذِي الْبِلاد : وْ وَقّفِي عِنْد هَـ الألْف
عِيدِي الكِتَابَة تسْتَقِيم القِرَاءَة
خَلّينَا مِنْهَا بِنْتقَدّم إلى الخَلْف
خَلْف البْنَادَم مُو ضُرُوري وَرَاءه
هَاتِي يِدِكْ مَا دَامَنَا بأوّل الوِلْف
القَلْب حَرْبِي وَ المَحبّة فِدَاءه
( 1 )
هَذِي البِلاد : مْخَالفَات وْ قَسَايِم
غَلاَء سِلْعَة ، مِعْ ثَبَاتْ المُرَتّبْ
خَلّينَا مِنّكْ ، حُبّهَا بالصّمَايِم
يَا فَوْضَويّة حُبّهَا بِي مُرَتّب
خُوذِي يِدِكْ مَا عَاد أبَي يَا مَرَايِم
إلاّ إنّ مَوْفُور التّعَب مَا يْعَتّب