الشعر بوح - خلف المشعان
الشعر بوح وهاجسي يكره البـوح
وشلون يلقى كاره البوح راحـه
الطعنه اللي حاولت تاخـذ الـروح
ماخلت بصدر الشمالي مساحه !!
ياضيقةٍ صارت معي وين مـاروح
بعض الصراحه منك توجع صراحه
لكن حبيبـك ماتعـود علـى النـوح
ياخفّ جرحك بين باقي جراحـه
بعض الجروح نحبهـا لوهـي جـروح
يسعد مسـا جرحـك ويسعـد صباحـه
مسموح لو توجـع خطايـاك مسمـوح
حكم الخطايا منـك فينـي مباحـه
حتى ولو قلبي بيدّيـك مذبـوح
يضحك وكنه جالس باسترحـه