أهل الحفر تطرب على صوت فيروز !! - خلف المشعان
خيوه ، أنا صدري بلد كلـه عنـوز
بفياضهم ينبـت خضـار اعتـزازي
من جيل ابن عبـار لا جيـل ابـو روز
لا جيلي اللي يشهـدون ، امتيـازي
قطفت جوز الهند ، مـع فـزة الجـوز
وفجرت ،، نبـعٍ بالقصيـد ، ارتـوازي
ماني من اللي بالمواقيـف ، مهـزوز
حامض على بـوز الزمـان اهتـزازي
ماادور الفرصه ولا اتعب علـى الفـوز
كم فرصة ٍ راحـت تمنـى ، انتهـازي
ما همني رائع ومبدع ومحجـوز
ولااتعِب على راي ، الخلايق جهـازي
هالشعر ماجيتـه ولا جيـه ، بالتـوز
ان ماطلـع باحسـاس مالله مـوازي
كم ما يجوز ليا شتهينا له ، يجـووز
من باب تشبيـه المحـال ، بمجـازي
اهل الحفر تطرب على صوت ، فيـروز
اذا اطربـت لبنـان ريشـة ، عـزازي
ياعويس انا عن سكة الغيم ، ما جـوز
رايك علـى جـزل القصايـد جـوازي
شعري على خبرك ، ترى مابه رموووز
لا تنزعج ، مـاراح اظلـل قـزازي