من هيك عم يبكي الصبي ! - خلف المشعان
أكذب عليك ان قلت لك ياصاحبي مافي جديـد
لا والله الا ضيّقـت كثـر القصايـد مكتبـي
تبغى فخر والا حكم والا غزل يابو يزيـد
كل القصيد اللي تبي موجـود قلـي وشتبـي
الأوله قلت ( عنزه ) ماهي بحاجة للقصيـد
صبيها مـن غيرهـا يسـوى 900 صبـي
قبيلة ٍ من مجدها حتى المؤرخ يستفيد
قل للبليد وذكـره بأحـداث فلـم المصربـي
كل قوم قيل الاْ عنزه قومٌ أولي بأسٍ شديد
صلوا على ذكر النبي كافي لنـا ذكـر النبـي
الثانيه قلت الزمن هذا زمن حرب الصعيـد
أنا واخويه دون ابن عمـي وضـد الاجنبـي
والجاهليه عوّدت يمكـن ولكـن الأكيـد
اني ارتفعت ولا بتي حولي وهذا ملعبـي
من له رصيد من الأدب والذوق ما يبغى رصيد
والا الغبي مهما بلغ يبقى يبن عمي ، غبـي
الثالثه قلت اتركي عنْك أغنيه عبـد المجيـد
عندي لك أحلا منّها ياغاليه بس اقربـي
تقول قربك ياخلف ماهو مثل قـرب البليـد
وتطلبني اقرب ياخلف أبك انت كلك مطلبي
معذور احبك ياغلا واعطي غلا غيرك جحيد
واقول تأبرنى أنا من هيك عم يبكي الصبي