معالم روعتك - خلف المشعان
في ليلةٍ تشبه سواد عيونك
جيتي وانا أول من غفى باحضانك
جيتي تذوب من الحنين جفونك
وانا جفوني ضاميه تحنانك
جيتي غمامه في سما مفتونك
واخضرّ قلبه من روى هتانك
جيتي تجرين الدلع بردونك
يرسم معالم روعتك فستانك
جيتي وابغرق في هديل لحونك
مكسور قلبي في حساب اوزانك
ماكنت احس بضحكتي من دونك
صح الله احساسي وصح لسانك
جيتي تبين تعقّلي مجنونك
ورحتي بدونه تشتكين جنانك