يوم تأبين - خليل الأحمد الشهري
دخَّّنت..نفسي..ليْن..كَحَّت بي..سْقوف
ومْن الجزع لتْطيح وقَّفت..تدخين..
الخوف لا اْكمِّل.. واجي تَحْتها.حْتوف
وآروح..شُربة مَي من قبل تدرين..
شفتي القلق وشلون جَمهَرعَلى كتوف
كنَّه مسيرة شعب في يوم تأبين.
لا تظلميني والصور مالها رفوف
واوفا جدارٍ مات ف عيون حيين..
يا كبرها لو قلت بالهون بآطوف
بين الضلوع وخافقي بين نارين..
فيروز غنت للبكا لحن من أُوف
بس الغنا فيني بكى عازف البين..
سامحك ربي ما بقى حيل لُوْقوف
جالس والوَّح والمحك يوم ترمين..
وردة ول ادري لونها ليش مخطوف
كَنْها تعزِّي حالتي يوم تمشين..
وشْلون ابقصص هالرؤى واخذل طْيوف
واْصدق غيابك طيف يقتات وجهين..
أحْيان احس القلب يحتاج للخوف
واْحيان احس الخوف يجتاح قلبين..
احيان اقول الدمع تطهير للْشُّوف
واحيان اقول الطهر شوفٍ بلاعين..
واليوم من همي هوت فوقي سْقوف
واضحيت شربة فيّ ف ظلال تدخين..