عابر فتيل ! - خليل الأحمد الشهري
عابر فتيل البارحة احرقني
صب الجروح فصدري المتحامل
جاملت غيمة فالأخير اغرقني
ياليت قلبي ماعطا او جامل
افتح ضلوعي والمحه يسرقني
واسكت وابرر هالميانه عامل
لو كان صبحه خنجره اشرقني
لو كنت خمره ماسهرني ثامل
رعدي غشاه ولا نوى يبرقني
وعدي نساه بطعنة من صامل
اسقيه بعضي واشحذه يورقني
تيبس غصوني وانتقصني كامل
للحين حبه حربةٍ تخرقني
تكسر ضلوعي لو رماها خامل
وصله جبيني واطلبه يعرقني
صاليه مسكٍ والحنايا حامل
يذكره بابي لو نسى يطرقني
يجفاه نابي لوذكر وش عامل
وشلون ابطفى والمطر يحرقني
وشلون ابنزف والعروق تْجامل