ياخي هاته - خليل الأحمد الشهري
ياخي هاته..
قلبي اللي بين كفِّينك مماته..
ياخي هاته.؟
ماني خايف من نزيفه..
بس خايف من شماته
كيف لامرّوا . وقالوا
كل هذا النزف ..ليه..
ويش أقوول..
مات من حرصه عليه..؟؟!!
ياخي هاته..
ماقدرت أرسم بداله قلب ما يشبه صفاته..
قلب مايشعر بشيّ.!
قلب ماله أي ضيّ.!
الانور بدون نور.!
الا حزنه بالسرور.!
لادرى وش آخره..
يالله هاته..
والله محتاجه كثير
كل هذا الدم فغيابه مُكدَّس؟
والخلايا مثل شعبٍ عاش عاطل
ينتظر والعمر فاته..
يالله هاته..
يمكن أستثمر غيابك وأختفي..
يمكن أحضر بالأغاني من جديد
يمكن آخذني لأمسي..
واصغر أكثر
واصغر أكثر
والقى وجهي ف كل عيد
واصغر أكثر
والقى لأعذاري بليد
ما مسح الا عيونك
ثم تَذَكر..
كيف يكبر..
كيف يبكي..
كيف يَذْكر ...كيف يبكي؟
كيف يخنق هالدموع ب غترته
كيف يطفي هالشموع ف حجرته
مايبي نفسه تشووفه
كل هذا كان خووفه
مايبي يندم عليه
أو على هالخوف يندم.
ياخي هاته..
قلبي اللي بين يدِّينك مماته..
والا خذني وخل قلبي..
والا خذني وخل قلبي..
ياخي هاته..