بعد قريت - ذعار بن فواز السميري
موجّهه من الشاعر/ذعار بن راح السميري
إلى الامير/زياد بن عبدالرحمن الاحمد السديري
بعد قريت إخطابكم يابو طارق
اخذت لي ساعه وانا الدّ وقراه
يامرحبابه عد مالاح بارق
خطاب الامير اللي حميده سجاياه
بالطيب يازياد الوفا صرت فارق
معروف عنك الطيب لو ماذكرناه
ماحط له دون المواجيب دارق
في كل وقت تجيه يضحك محيّاه
ماهو نفاق ولا كلامي مدارق
قول وفعل يشهد بها كل من جاه
ماضيه يشهد يوم جمع البوارق
طلال يشهد له وتشهد سراياه
ماضيه يشهد له على وقت مارق
يوم ان ابن فرحان جنّب وخلاه
يروون حد سيوفهم و المطارق
طرّاحة الملبس نهار المثاراه