ألا يالله
ألا يالله انّي طالبك وانته الغفار
تغفر الذنوب وحسنة العبد تكتبها

عزمت اشترك بمسابقة نادر الاحرار
مع اللي يجيب اوصاف بأالبل تليق إبها

ابا اكتب حسب عرفي واشارك مع الشعار
عسى الطيّبه حظي دواماً يفوز إبها

ابا آصف مجاهيمٍ على وصفهن خيار
كبار الخفاف من الوحل دوب تجذبها

عراض الفقار جنوبها قيس عشر أشبار
بعادٍ مقاس إزرورها عن مناكبها

وسنامٍ على حد الحجب للشحم مشكار
وبرها معكرش مارقاتٍ غواربها

طوال الرقاب من الشحم باريه منشار
كبار الصناقر والاذاني تناصبها

تفاهق إرجلها خلف تمشي بفن وكار
وعلى ساقها من خلف ذيلٍ يلاعبها

كما ذيل صفراً يوم تلعب على المزمار
ليا أوحت طبول الحرب تحرا لراكبها

ليا قبّلت لوفٍ عرانينهن يسار
ذهان الوجيه إتقول بألصوت تندبها

وجيه الذياب اللي مويقه على مسبار
عراض الخدود وضافياتٍ مشاربها

دقاقات رق وزين في وصفهن تحتار
ليا مرّ راع الصنف ياقف يراقبها