أبا أرفع الراس - ذعار بن فواز السميري
يالله على طاعتك ورضاك تهديني
وتغفر ذنوبي نهار ان تبعث الامّه
من صد عنّي يروح ولايحاكيني
ماني بخوه الصغير ولا ولد عمّه
يكفيه فكره وانا فكري يكفيني
واللي ماهو يمّنا ماني بعد يمّه
رفيقي اللي على الشدّه مصافيني
ولاهوب يرضا عليّ الشين والنّمّه
هذاك أحطّه على راسي وفي عيني
ولاهمّي اللي يشيل الكبر ويزمّه
أبا ارفع الراس دام الله معافيني
وضعيّف الزند مايشرب من الجمّه