يامشترين - ذعار بن فواز السميري
يامشترين الإبل ويش إلكم أبها
البل تبا كلفه ورجلٍ صبوري
يازين شوفة خلفها مع جنبها
وضح ومجاهيمٍ تسر الحضوري
ملحاً يجي شبرين مفرش حجبها
عدولة القصار يوم العسوري
تلقى مواري الشيب بأطرف حجبها
سواة عدٍ مارده مايغوري
هاذيك يغضب خاطري من غضبها
وان شفتها زانت تزايد سروري
النّخله اللي حلوةٍ في رطبها
الطلع فيها من خيار التموري
واحب لي عفراً كبارٍ غلبها
عفراً على حس المودّه غيوري
تفرح ليا من المودّه ندبها
من طيشها تقطع غزير البحوري
والباقيه للسوق عنك إجتلبها
احرص عليها قبل عندك تبوري
من شان يبرد عن هجوسك لهبها
ويرتاح بالك يوم بعت الدموري
لا صار لا مصرورةٍ وتحلبها
اللي ليا ولدت تمل القدوري
ياعنك ماتخلف على من كسبها
الاسم خلفه والمحاصيل غوري