ماله .. مجبّر - ريمية
روحي وكسر الروح ماله مجبِر
كظّيتها كظات بنت الكحيله
ما هقوتي مني يهمك مخبّر
وانا ترى بالصبر ماني قليله
قلبي ثبوت إيمان مثل المكبّر
اللي جميع القدس تقضب شليله
أكرم من الترديد صمتٍ معبّر
والنفس تلقى به عن الكثر حِيله
اونس ببعض الحكي حكيٍ Sمغبّر
تقل إن في فم السوالف نثيله
والادمي لابد يومٍ مدبّر
واخير لامن راح يترك جميله
يا فاتر الايام غيرك مشبّر
ويا ذارع الازمان باعي طويله