الذيب والجنية - ريمية
لا ماانت ذيب وماني الجنيه
والكون ماهو مقفر وله والي
ماني على أسمي لا لويت النيه
كبد الخيانه طعنها يزهالي
هالقلب نمر وضحكته ريميه
واليا تجهم مايعرف الغالي
والملح الأسود كم عَطتْه ايديّه
قَدح القصاص بطلقهٍ ماتبالي
وأنا بدم حكايتك معنيه
كل الليالي يشهدن لوصالي
يوم الحَمَاد مخيّرٍ في غيه
والحزم شوري والنقا مدهالي
سجيت وجه وناحت القمريه
من نزف روح ٍ فيّضت مقيالي
والليل فاع وضفّني في زيّه
والنجم الاوحد كفّنه مرسالي
زل السماح وقالت الشبريه
كل الكلام اللي يدور ببالي
والدم الأخضر حَلني وسميه
من جدب دمعي وإنكسارإظلالي
شدّي ركابك وأقعدي يابنيه
ذنب الذبيح يحله الحلالي
والمس ضلوعي تقل كان هنّيه
قلب ٍ بموته هيّجنوا عذالي
الذيب مات وظلت الجنيه
تلعب بظل ٍ في يديه إحبالي