لاتلعب الأشواط - ريمية
لا تلعب الاشواط لا صرت حافي
فوق الخساره يصدعك كل مشوال
تبي الأساسي ينلح بالاضافي
ما ينلحق يا من كلى حر الاقوال
راحت بجلدك ما على الله خافي
هذا الزمن لابد حوّال زوّال
إلزم مدرّج حكمتك جاك سافي
جوّال في حسم النتايج وصوّال
واحد صفر والصفر كافي ووافي
لا تجادل الحكّام في طال ما طال
مهفي شبابه بالهفيات هافي
اقفى زمان الفعل والشيب باقبال
لومك لغيرك في حياتك طرافي
ما خانك إلا عزمك الحق ينقال
ما فات فات ومسرج الفوت طافي
ما نوّر الظلما مقال ٍ وقلقال
إلبِد ترى المِلبِد يشوف العوافي
كثر المهايق يذهب الحيل والحال