فقيرة .. ومشهورة - ريمية
أنا .. فقيرة .. و .. مشهورة
والشعر والصيت يكفينى
يكفيك الألماس يا نوره
على ايش .. يعني تحسديني
في نعمة الله ومذكوره
وعلى القصايد .. اتغبطيني
بيدينك الجاه .. وغروره
وبيديني القاف .. وايديني
كبدي من الهم مفطوره
والدمع يشرب دواويني
بالضيم شيخه وغندوره
و.. لا .. بنت تقدر .. تجاريني
لي حرف تضربني سطوره
على الوجع لين .. تدميني
قضاني العمر .. مكسوره
والهم .. يطحن جناحيني
واقول .. الآلام .. ماجوره
وارجي عسى الحظ يمديني
وإذا .. الزمن شح .. بسروره
مقبول .. ما .. ينقضي .. فيي
مالي عن البخت وقصوره
مالي عن اللي .. مشقيني
والموت .. لابد له زوره
واللي وطى الخلق واطيني
والشعر . ودي من حضوره
لامت .. الايام .. تطريني
راع الأدب خالد .. بدوره
من قال .. الاحزان .. تغنيني