تداولنا .. والحاشي كلاه الغول - ريمية

تداولنا وعوّلنا على الأخضر
والأحمر كلى الأخضر
والأخضر كلى اليابس
واليابس كلاه الحاشي الممحل
والحاشي كلاه الغول
أما احنا كلينا فول
وظل الغول ...
وظلت عينه الحمرا ترصّدنا
من اللي يسأله يا غول :
علام عوينتك حمرا
من اللي بس يتجرأ
أو اللي يقول ...؟
**
قالت لي هويدا حصه وش رايك
ابغى اعوّض الأسهم
واتداول بسوق المال
قلت إياك يا هويدا تعودينه
ولو منه معاك عيال
خليهم بسوق المال
وانجي منه براسك
اللي يروح ما يرجع
أحد راح ورجع منه ؟
من ر َد الخبر عَنه
ما خلّى من اللي راحوا مخبّر
من اللي صكتّه جلطه
إلى اللي طايح ومكسور
وكسره ماله مجبّر
راحت لعبة الأخضر
جتنا لعبة الأحمر
لعبه مالنا فيها
من المنطق نخليها لاهاليها
الأخضر مجرّد حلم
عَوضنا منه الخبيز
تقل اشوى من اكل الفول
ومكاسر عيون الغول