شاعر - زياد حجاب بن نحيت
شاعر ووقتي ما يكافأني على قد تعبي
ولا يجاملني ليامني بحثت ولا لقيت
والشعر لامني طلبته شي مارد طلبي
ان قلت ابيلي بيت ولا قلت ابي مليون بيت
احدن يبي يركض ركض واحدن يبي يحبي حبي
واحدن ليامنك نشدته قالك ما اذكر نسيت
اخوان جمعنا الوفا والحب بك يابوظبي
من ليبيا وعمان والاردن وصنعاء والكويت
ومصر وقطر وبلاد اخو نوره بلاد امي وابي
دار بقيت لعزها وافي ولا بعت وشريت