الله كريم - شايع العيافي

ان كان باقي في حراويه موحي
خلوه يسهر ويتجافا محله

عيب عليه النوم لالج نوحي
وأدوت حنايا خافقي مستخله

جمره تحت صدري وهمه يفوحي
الجور في طبع الأكابر جبله

عليه سكراتي ونزعات روحي
تضمى غلاه وتشرب الهم كله

رضاه عقب رضا آلهي طموحي
وزعله لامذهب ولاهوب مله

اول نهاري ود وأسمه صبوحي
وآخر نهاري هرجة ماتمله

اسمه ورسمه طابع في جروحي
يخطي عليه عمد وأقول زله

ياما عليه ابعدت وابعدت شوحي
والصبر يومي معه دقه وجله

ياعبرتي كني غرامه وبوحي
الله يبيحه فيك والله يحله

مكتوب والمكتوب في عرض لوحي
موتت شهيد ولاحياة المذله