اللديده - شايع العيافي

وش يضد الرجل لين يبيح سده
غير خطوة جاهل ماهي سديده

كل ما وقفت موقف طيب ضده
يدسم الطيب ولايدسم ضديده

مر ياقيدا لحايا قف عند حده
بلغه نظره من عيوني حديده

قبل يلقى صفعة في عرض خده
يمتطي بقعا ويسرجها خديده

يازمن لاشفت خشم الذيب عده
الليالي جرب وجروحك عديده

والله انك ضدنا مده ومده
لين ياس الحظ من شحة مديده

صاحبي عض الجمل طراف بده
جعل ما يبقى من الحله بديده

عالم تخلف من الجمال شده
لين يقلع تالي اطنابه شديده

فزعة البحلان من موروث جده
واحد يلحق ملاحيق جديده

منتج كدي وانا غايات كده
لاكديد وجيه لاوجهة كديده

المكاسر عنبره والمسك نده
والعيون تهوم ماتلقى نديده

افرح بلاماه واستوجع لصده
كحل عين..! وعلة قلوب صديده

وانت ياخبل جلبت العلم وده
يبطي الهراج ما يذّبل وديده

من نوالك بالعشاء بكر وغده
تكبر الغده وشغلتها غديده

انكتب لي عرف ليت الله لده
لين عاكسني وسميته لديده