الكبر والزود - شايع العيافي
لي صاحب قفا به الكبر والزود
مدري غلا والا بغيري مورا
عليه اسايل نجد وأوصي النود
ابطيت في رجواه وانا أتحرا
يامن يسلم لي على لين العود
كانه على كسر المهابه تجرا
يخفض جناحه لي من الود ويعود
ماني على هجر الحبايب مضرا
آخاف أجي وآحصل الباب مردود
وأجوز من ثوب الحيا وآتبرا
لاعاد الله ضيقة الزين ياسعود
كنّي على قوس المجرّه مسرا
الليل روّح عالم ماله حدود
والصبر عقب مفارقه مايطرا
ياسعود وآشيبي من عيونه السود
مسمومة منها العقارب تدرا
زين العذارى من سجاياه مولود
مستور واليامن تخطى تعرا
لامن فقدته صرت ضايع ومفقود
كن الحشا من داخل الجوف برا
لابد مايرجع وانا معه موعود
أما بكل الخير والا بشرا