تعال - صالح مصلح الحربي

تعال ان كان قلب ٍ ضيّفك حبّب لك المدهال
تشرفنا هلا بك مرحبا والقلب مدهالك

تبي تلقى كرم قلب ٍ على ما اعطى ملا المكيال
تبي تلقى عيونن تحضنك ويطيب منزالك

يزيد الك الغلا بقلبي حبيبي والليال طوال
مثل برق ٍ لثم مزن ٍٍ تهادى بالدجا الحالك

على حدب المحاني ترتكي واثنيلك الفنجال
هلا من خطّت اليمنى الينه حطت رحالك

فليله نجمها غايب ضياها جمر حدر دلال
نبي نروي ضما قلب ٍ جريح من العنا هالك

ماكل ضيف ٍ تعده ضيف قمر غايب وعاد هلال
رحل مملوك في طوعه وعاد مضيّفٍ مالك

واذا مرّت بك الصدفه وشافت عينك الاطلال
توّقف عندها لحظه وثم ٍ روح في فالك

اذا قصيدة الفرقا لحنها واصل الموال
وداع وجرحك الذكرى جروحي كلها فدالك

واذا هزّك كرم قلبي هلا بك واترك الترحال
تعال اهلا وسهلا بك تجي والقلب مدهالك