البعد عادي - ضحوي الأسلمي
جيتك من بلاد الاحاسيس غادي
وأحس في قربك عناوين الاحساس
لاتتركيني للزمن الرمادي
تعبت اواجه ضيقتي وأنطح الياس
كن الحزن والهم صاروا بلادي
وكن الدموع بغيبتك صاروا الناس
ياغاليه مليت أصوت وانادي
شوفي حنيني بعدك شلون محتاس
شوفي ظما شوقي بكف الايادي
ينطر متى يشرب من الشوف كم كاس
ماهي على كيفي ظروف إبتعادي
البعد هذا حطني وسط هوجاس
البعد هذا بين الاحباب عادي
ويبقى الوصل قلب من الحب حسّاس
جيتك ولابي جونا جو هادي
ابشعل الدنيا لقا وأطعن الياس