كذا هي حالة الدمام - ضحوي الأسلمي
لكل اللي سأل عني ..؟؟ أنا كلي حزن والآم
حزين وحالتي يمكن على كل البشر تخفى..!!
حزين ومن كثر حزني تضايق ساحل الدمام
على اللي يوم ودعني عطاني دمعته وأقفى
تركني للعنا شاعر معانق للسهر مانام
يترجم صورة همومه بليله ماقدر يغفى
تركني عايش لحالي انا والحبر والاقلام
مع إني ماتركته أو لحبه ناوي أنفى
صرخ من غيبته شعري ولاظن الشعر ينلام
كأنه تايه بظلما القصايد مالقى ملفى
وكأن الشمس تبكي والقمر ياكنه المنضام
وكأن الليل وجه اللي عليل ولاحصل يشفى
وكأن اكبر عدوي لي ردي الحظ والايام
وكأن ضلوعي بصدري تبي تدفى .. ولاتدفى
يصبح فيني الهوجاس وأمسي مع مساء الاوهام
الين آمنت في من قال : محال ان الزمن يصفى
وإلين أصبح لقاه أحيان يجيني بس .. في.. الاحلام
وإلين أصبحت أردد لو أشوفه يازمن ... تكفى!!
كذا هي حالتي عقبه 3 شهور فوق العام
وانا ماغير اقول اللي احبه ليه بس يجفى ..؟
وكذا حتى من الفرقا تضايق ساحل الدمام..!!
على اللي يوم ودعني... عطاني دمعته وأقفى