مرت ليالي - ضحوي الأسلمي
مرت ليالي .. وأنت ماقلت وينك ؟
ماتنشد ولابك .. من الشوق .. ذره
كنت أحسب غيابي .. يشعلل حنينك
وأثرك .. من الأحساس .. ( معدوم مره )
صدقني بتندم .. وتفرك يدينك
ودرب الحسافه .. والله الا تمره
ابعد بعيد .. ولاتناظر بعينك
بدونك الايام .. عندي .. مسره
ماعاد تجذبني .. بطبعك .. وزينك
ولا لك .. علي .. عتاب .. وألا تِشّره
أنا اللي المفروض .. أعتب .. وأدينك
وأشرّبك حلو التجافي .. ومره
إي والله إني .. عفت مدة يمينك
عافك خفوق ..كنت باأعلى مقره
أول هقيتك غي .. باأول سنينك
وتوي عرفت إنك من .. ( أهل المغره)
روّح .. فمان الله .. وربي يعينك
ودرب أمره .. ( دِير بالك ) .. تمره