يا أمير - ضحوي الأسلمي
ياأمير .. ليت الموت جاني ولاجاك
ولادريت بموتك اليوم..ياأمير
ياأمير تبكي ( طنوة العز ) فرقاك
وتبكي بعد( شمر).. دموع بتكرير
ويبكي جبل ( حايل ) .. رحيلك..وممشاك
وتصفق أجا..سلمى..بحزن وتحاسير
وتصرخ بحور الشعر ..ينك فقدناك
وين إنت يالملتاع؟؟..وين إنت ..ياطير؟؟
ياطير عز ماخسر من تنصاك
بكفوفك النوماس.. وبصدرك الخير
ياأمير رحت...ولابقى غير ذكراك
ذكراك تبقى لو خذتك المقادير
إسمك هنا محفور..وشلون ننساك؟؟
وطيبك وفعلك نفتخر به على الغير
ياأمير جعل الرب يغفر خطاياك
ويقبل عْملك وينور القبر..تنوير
ويارب يامعبود يالله..طلبناك
تسْكنه بالجنه بليا تعاسير
والله يصبر( شمر ) اليوم..فرقاك
الله يصبرها ..بفرقاك..ياامير