صبح الكويت - ضحوي الأسلمي
ياحظ ذاك الطريق اللي تمرينه..!!
لاصرتي مداومه يم العديليّه
يفز صبح الكويت لكل غافينه
ويفرح فنا الجامعه .. بااحلا صباحيّه
متشفقينك كثر ماالملح تحوينه
كثر الحلا فيك.. واكثر يمكن شويّه
كثر التفنن بلبسك في تلاوينه
وكثر الهدب لاطعن طعنات عفويّه
ياعمري الحاضر.. ومافات بسنينه
واللي بقى منه.. في باقي تواليّه
ياأعذب الحب .. ياأجمل عناوينه
ياموج الاشواق .. والعشق وموانيّه
يالعنبو الشعر اذا ماانتي دواوينه
وش فايده كان ماأهديتك قوافيّه ..!!
إي والله إن المطر يهل في حينه..!ّّّ!
لامن لمحتي غيومه.. جاك باديّه
وإي والله إن القمر شافك تخزينه..!!
ثم إستحى من جبينك وإختفى ضيّه
وإي والله إن الدلع فن تعزفينه
غطى على ( بيوتهوفن ) في غناويّه
وأي والله إنك بقلبي في شرايينه
وإي والله أنك ملكتي كل مافيّه
أحب .. وأعشق .. وأود اللي تودينه
وأفز لامن طريتي فزة حيّه
فزة صباح الكويت لكل غافينه
لارحتي مداومه يم العديليّه..!!