آه ياغايب ! - ضحوي الأسلمي
الحزن لآخر حدوده .. فجأة مر / وسرابي
وإندثر حلم الليال الماضيه باأقصى سرابه
عايش ولاأدري ولكن .. ياجماعه .. كل مابي
طعنة اللي غاب عني /وأثر بقلبي غيابه
ه ياغايب لو إنك بس تدري في عذابي..!!
كان ماوالله تركت اللي يحبك / في عذابه
كل ماحاولت أبسل لو دقيقه إبتدابي :
هاجس يرسم خيالك للجروح اللي تشابه
ياحبيبي وأنتْ داري بالغرام اللي رسابي
في بحر طبعك / وشفت الذوق وأنواع الذرابه
بسألك بالله قلي وش يفيدك لاأنتهابي ..؟
حبك بليل التجافي ..بسألك عطني إجابه ..؟؟
كيف ترضى أتضايق بعد ماكل درابي
باإنك أغلا من غلا اللي كلهم ربع وقرابه
الصديق الويل بعدك ..والكدر أصبح زهابي
والفرح ودّع عيوني / وإنقفل وإنصك بابه
ليتني أقدر أوصل لأصدق إحساسك / عتابي
وأشرح هموم ( هنيا ) / ماتوصفها الكتابه
ياتجي .. والأ تراني .. جيت أبخبرك بغيابي
وسط قبر لو تزوره يشتكي منك ترابه
أنت لو والله تدري ياحبيبي في عذابي
كان ماوالله تركت اللي / يحبك في عذابه..!!