ضمّني - ضحوي الأسلمي
علّم اللي مابعد ذاق الهوى..!!
درسْ .. لاضميتني والشوق ذاب..!!
وعلّم اللي في حياته .. ماانكوى..!!
ويش معنى الضم من بعد الغياب..؟؟
خلْ خدك لاشرق والا .. ضوى
يشفي اللي منك .. ماوالله طاب
ريّح اللي تعّبه طول النوى
حسّسه بالقرب .. لاشلت ( النقاب )
ياحبيبي يابعد قلب .. نوى
يعشقك لين الممات .. وللحساب
ياجنوني .. ياهيامي .. يالدوا
ياملاذي .. يالسعاده .. يالعذاب
إقلط وصافح غرام .. ماروا
منك والسبه غرامك.. يالسحاب
إقلط وهاك الضمير وماحوى
بفتحهْ لك الف باب والف باب
لك كتايب واقفه وانتْ ..( اللوا )
حالفه .. لا .. ماتخونك .. بالكتاب
لك خفوق في غيابك ماقوى
دايم يسأل عليك بلا جواب ..!!
غيبتك من جدْ .. ملعونة ثوى ..!!
نوب أشوفك حلم .. ونوبات سراب
لكن الله جابك وصرنا .. سوا
ضمني يالعنبو حي العتاب
ضمني وإشرح لمنهو ماأنكوى !!
ويش معنى الضم من بعد الغياب..؟؟