جوال المملكة - ضحوي الأسلمي
الا ياقبلة الوالي على اللي ماسك الجوال
وربي لايق بشكله ( جهاز المملكه ) مليون
هذاك (التركّوازي ) في اصابع حضرته خيال
بريقه يلمع بيده.. ويده برقها مجنون
هني البث في صوته.. هني الرد والارسال
هني اللي كتب له فالرسايل :( ااه يالمزيون )
عباه مخصره...وعيون..رموش سهمها قتال
تصيب اللي وقف مثلي غدا من نظرته مطعون
تشبَع بالترف عمره لبس تاج الجمال اكيال
خذا كل النعومه واصبح لغيره طلب وديون
تقنّع بالحلا كله ولاخلا ولا مثقال
غنْجه بذمتي فتنه.. دلعه بخالقي بفنون
ملكني لعن ابو حيه وصرت لهيبته ميال
انا من جد اعجبني!! ولاادري.. كيف صار.. شلون؟؟
اراقب وانتظر ينظر واذا ناظر يزيد هبال
بشر ماادري عجب ياناس ذبحني ياعرب تكفون
جلست بماقفي مذهول ابي شعري يجي بالحال
ابي ارسم جماله في قصيده واعزفه بلحون
وعلى اخر بيت كملته وقف لحظه مشى بإقبال
فرحت وقلت ناويني.. عرف اني معه مفتون
وصل عندي.. قرب يمي.. همس في نبرته: تعال
وجيت وخطوتي تضحك واقول بخاطري حنون