سوق شرق - ضيدان المريخي
من يقول الشمس ماتشرق على كل الزوايا
علموه يزور ذاك الركن لو في العمر مره
ايه كنت هناك مابين السوالف والهدايا
يوم حدثني شروق الشمس في مبسم وغره
وش خذيتي ياكفوف الشوق من عطر التحايا
ليه باركتي غياب الشمس والايام مره
صارت الجدران من لهفة معانقها مرايا
يوم غابت والشفق ملبوسها الوردي تجره
العيون اللي تبيع الموت في سوق المنايا
علموها لاتجي في سوق شرق ولاتمره