حلو الشهد - ضيدان المريخي
حي وجه الرضا لاعاد وجه الغضب
مد يمناك لاعادت ولاعودها
وامسح الدمع لايلعب بصف الهدب
واعفني من شعاع الشمس وعقودها
أنت ضيعتني بين الزعل والعتب
زدت في جمرها لين أحترق عودها
يوم صديت والخاطر عليك التهب
لاتشره على العزه ومردودها
من هو اللي رفع كف الرضا وانسحب
يوم نفسك خطاها فاق مجهودها
يااصبح الوجه يغريني وراك التعب
لو تطول العلوم وتكثر وعودها
شفت فيك العجب لو شفت منك العجب
في مزاياك لو ما طالني جودها
شوف عيني بحلو الشهد يوم انسكب
بين غرٍِ على العطشان يكودها
من متى والبرد يلمع بجوف اللهب
من متى والعيون تسل مجرودها
وقع الحب في قلبي بضربة عطب
نظرة العين لا انقصها ولا ازودها