يهز يمناه - ضيدان المريخي

ليلٍ يامحلاه ماكد مر في عمر المواليف
لقيت ربعه وضاع الربع الاخر والنصيفه

يوم الاوادم جموع وليلها طار وغطاريف
جانا من الشرق برقٍ مانشوف الا رفيفه

اقبل يهج الظلام بغرته عجل المحاريف
عرضت له قلت اسولف له عن الجرح ونزيفه

بين الزعل والمعاتب والتغلي والعجاريف
ظفرت في شوف زوله عقب ماسامرت طيفه

زوله بعيني فضح ستر العيوب وبدد الزيف
خليفة الزين في جيله ولاعقبه خليفه

يهز يمناه مدري باليمين يهز له سيف
بس الوكاد ان يمناه العفيفه مثل سيفه

الله يحرسه هو الهرجه هكا الليله هو الضيف
والناس ماتدري ان الضيف قلبي مستضيفه

ملى عيون البشر واشغلهم الله بالتواصيف
لو ان ماشافته ياكود نظراتٍ عفيفه

وقفت اخيله لو اني صرت بحلوق الملاقيف
لاشك قلبي يشوف عيون خلق الله كفيفه

ماهمني لو تعج افواه خلق الله سواليف
مادام قلبي تثنى له هكا الشقراء العسيفه