الامير سعود بن محمد - ضيدان المريخي
يوم الرجاء في عيوني لاح لي برقه
على حدود الرياض أغراني البارق
سريت يوم انها جازت لي الطرقه
يوم ان نومي غدى غفوات ومسارق
جيت الرياض ولقيت الطرق مفترقه
وأخذت دربٍ لغرب العاصمه فارق
ونصيت قصرٍ تقول طويق في (عرقه)
على الطريق العمومي ما هو متدارق
بعيون كل الاوادم بين فرقه
حيثه يغيث الضعيف وينجي الغارق
بالصيف ظله براد وبالشتاء شرقه
والباب مفتوح ما قالوا من الطارق
ما قدمك الا الدرج بالواجهه وارقه
وابشر بقولة هلا زافات ومزارق
كله دواوين من غربه ليا شرقه
وسعود موجود في ديوانه الشارق
شيخ يند الكرم والجود من عرقه
سلايل الشجره اللي غصنها وارق
الطيب ماجاه عاريه ولا سرقه
ورثه ويستاهله من مجده الخارق