الآمال - طراد السويدي

يا كثر الآمال و الأيام دواره
وياكثر ناس ٍ تروح ولاتحققها

عينٍ كحلها ظلام الليل وأخطاره
وعينٍ تشوف الآماني لاح بارقها

النفس تجهل صباح الغد وأسراره
ناسٍ لها الشمس نور وناس تحرقها

أحفيت رجلي شقى بدروب غداره
أساير الوقت مدري وش يوافقها

زمان ساوى صغار القوم وكباره
يعيش راع الدجل ويضيع صادقها

مسكين من قل ماله قل مقداره
وراع الملايين فوق الناس وأرمقها

من أستحى شاف حقه بيد عياره
سوالف ٍ من سمعها ما يصدقها

وياكثر الآمال والأعصاب منهاره
أحد ٍ يغربها و أحد ٍ يشرقها

يسعد بها من يخاف الله وأختاره
ومن شان في نيته مالله موفقها