صرخة يتيم - عبدالعزيز الزهراني
رحتي وتركتيني بدار الاجانيب
وحيد عالم ماتقدر عناتي
يتيم وحداني كثير التصاويب
كسير حظ وهايم ابذكرياتي
قبلك ابوي الطيب الحاني الذيب
مات وتركني للعنا والشتاتي
قضيت عمري بين ذلٍ وتغريب
من بعدكم تبدأ معاني شقاتي
ساقتني اقداري لعكف المخاليب
تجرّح احلامي ولالي نجاتي
حتى نويت ارحل عن الناس واغيب
والّحق بكم يا شوق نفسي وذاتي
الله اكبر يازمان الاعاجيب
محدٍ من العالم تشتت سواتي
حيران في ايامي ادور على الطيب
ومالي مصبّر غير هل اعبراتي
ابكي عليكم كل مالشمس بتغيب
وابكي عليكم لين تاتي وفاتي
ضويت مالقى في حياتي معازيب
من بعد اهلي كيف ترجع حياتي
من صغر سني ذقت مر التجاريب
وتبددت فيني جميع امنياتي
يالله يالي تعلم الجهر والغيب
ترزقني الرحمه معاها الثباتي