كلمة ( أحبك ) - عبدالله البكر
تكتب الريح إسمي وسط كف السحاب
كنها تقول : شوف إنك وصلت الجدي
تدري إن أناظر فوق وقت الغياب
قالت : أحسن أنسيه الحزن ويغدي
حسّت الريح فيني من كبر هالعذاب
وأنت ماتدري حتى إن لك رفيق أجودي
ليه أحس إن لك بوقت الفرح ألف باب
وكل ماجيت باب أتعب أفك بيدي
طحت من طولي ومار حان وقت الذهاب
أنتظر منك ( يَد ) تجرني لسعدي
طوّل الوقت لين إن أصغر إحساس شاب
وأنت تدري ومع هذا رحلت تعدي
كانت الناس تنصحني وتبدا العتاب
وكنت أسج وأفكر كيف معك أبتدي
لين رحت وانا في فمّي الصوت ذاب
وصار كل شي إيتذكر غلاتك ردي
لو تخاف البراري من قدوم الذياب
كان خاف الصدر يوم ٍ لمست جسدي
ولو تعرف النفوس الطاهرة بالصواب
كان عيّت أواصل وإفرشت مرقدي
وكان كلمة ( أحبك ) فتّقت جرح طاب
يا كثر ما إنفتق من جرح لي يابعدي
ناظر الريح خطت قصتي بالسحاب
كنها تقول : صدق إنك رفيق أجودي