ماني بقايل ياغالي شي عادي لو تروح - عبدالله العلي
ماني بقايل ياغالي شي عادي لو تروح
لو تروح يموت حلمي وتنتهي حفنة اماني
هم يتّعود سنيني غم واوهام وجروح
والف خنجر في خفوقي تطعن الحدب المحاني
قبل اعرفك ياحبيبي تدري وش كان الطموح
اني انسى في نهار الياس ليل ٍ احتواني
جيتني وروي ضماها غيثك اللي رد روح
الف عرق من اليباس اعشبت قفراء اماني
يوم قلت اني احبك..قلت يكفينا مزوح
لا اصدق ما تقوله واعرف ان طبعي اناني
قلت انا صدّق وخلّك دايم بحبك لحوح
حرفي وبيات شعري ..الجمل أحلى المعاني
لين هذا الجرح منك عادلي بحزني يبوح
هالحزن والله كنّه موت عمري قبل أواني
ماني مستغرب لوقتي لو غدى طبعه شحوح
لوعة الحرمان دامي من صغر سني اعاني
العجيب ان امنياتي داخلي منك تنوح
وفرحتي وياك صارت كنّها لمحة ثواني
بس تدري ياحبيبي مهو عادي لو تروح
بس عادي في حياتي لو جرح قلبي زماني