مشغول بجراحه ! - عبدالله العلي
لاتنادي القلب مشغول بجراحه
خل حلمك في خيالك يستريح
اتركه مسجون لاتطلق سراحه
في يدينه قيد وبهمومه طريح
طال ليل ماتهيا لي صباحه
خطوتي في دربها العاثر تطيح
من يحاول بالفشل يبدى نجاحه
عاد وقته في توافيقه شحيح
مايجيد اللي غرق فن السباحه
لاعصف موج البحر تيار ريح
والنهر ماهو مثل اول قراحه
ماقوت للملح غدرانه تزيح
حظ ياللي ماتوقاني مطاحه
قل متانا نتبع الشور النصيح
نتفيا في ظلال الوقت واحه
جنتين الوقت اطياب تفيح
للحبيب اللي تملكني رجاحه
زاد ذالك وصفه العاطر مليح
ان تفارقنا تغشاني وشاحه
ينثر الدمعه من فراقي يصيح
لاتكلم جد يغريني بمزاحه
راقي الاسلوب بالقول الفصيح
من تبادلنا مشاعرنا صراحه
ابتدينا في الغلا حب صحيح
ان حصل لي في العمر هذا فلاحه
بالسعد واللي رفع جسم المسيح
وان تفارقنا بتكفيني جراحه
بترك البيض وهواهن واستريح