تحبّيني تحبّيني !! - عبدالله العلي

فديتك بالعمر يا اغلى من الايام لسنيني
انا فدوة لبحة صوتك وتحنان نبراته

تعالي واحتوي باقي هموم مكبله ايديني
بقلبٍ نادت جروح الزمان المر دقاته

هنا طالت مسافاتي هنا تاهت عناويني
هنا هذا الحزن بحكايتي ما مل عاداته

هنا غربة هنا وحشه هنا الاحلام ترثيني
هنا موت الهقاوي للحنايا زف سكراته

هنا مدري لما حظي توافيقه تجافيني
هناك اخشى مقاديري تخليني بلوعاته

تعالي ما بعد عشت المحبة ما رأت عيني
حبيبٍ غايته قلبي يصير اولى اهتماماته

اعيدي في احاسيس الغرام العف تكويني
غلا يعني وفاء يعني يكون الصدق ميزاته

واذا مني زعلتي للعتب ليلٍ يكفيني
عنج لان الغنج اصل الدلع تحلى عتاباته

ابحيا فرحة أيامي معك وانتم تزفوني
فرح واحلى نهاياته تكون اجمل بداياته

واذا للحينك انتي يا حياتي ما فهمتيني
ابشرحها بكلام القلب لك بابسط عباراته

ويعني باختصار اكثر تحبيني تحبيني
سوى نلقى نعيم الحب ونجّرب عذاباته

فديتك بالعمر يا اقرب من الايام لسنيني
يالبى صوتك المبحوح و التحنان نبراته