غياهب سرمدية ! - عبدالله العلي
عيش يا قلب وتحمل خلك بهالهم صابر
ودع اغلى امنياتك وانتظر هم المنيّة
وش علينا من جروح كل تعبها للمحابر
والورق كنه كريمٍ يفرح بجية خويه
الهموم اللي ورثتنا كابر عن هم كابر
لآنتخت طيب شقاها ثارت عروقه حميه
الاماني بظلوعي تكتسي رعب المقابر
افتقدها وكل ميت يفقده ناسه وحيه
اسهر الليل برجاها لين ماصوت المنابر
للفجر الله اكبر واسهره لين ضحويه
حيرتي كني سجين تاه بوسط العنابر
انتهت تسعه ليالي ولا درى وش القضيه
لاسما والنور كالح اسودٍ والحال غابر
أربعة جدران ظلمى في غياهب سرمديه
او يتيم الوالدين ولا لقى لعثراه جابر
من وعى وقته يقاسي من اذيه في اذيه
دنيتي وهذا قدرها قاسيه والحظ دابر
امسي ويومي وباكر كلها بعيني سويه