أبعدت خلي يا زمن ويش خليت ؟! - عبدالله العليوي
يا مالك قلبي لنا عنك مده
وراك عنا يا أريش العين صديت
ماذقت من غيرك جروح الموده
غالي علينا يا حلو لو تغليت
يزداد حبي كلما زدت صده
وراك عن قلب ملكته تخليت
ليت النظر يا صاح يمي تلده
ياما قسى قلبك ولا يوم حنيت
وصل الصبر يا قرة العين حده
ومنين أجيب الصبر لاعني أقفيت
ذاك الحنان اللي مضى لو ترده
أقول من قلبي بحبك تهنيت
ما عاد فيني يا زمن ما تهده
أبعدت خلي يا زمن ويش خليت ؟