عزي لقلب مثل قلبك تولاه - عبدالله العليوي
قلبي بعيدٍ عنك وين أنت وياه
قلبي عليك اليوم أبعد من أسهيل
قلبي كفاه من الشقاء منك ماجاه
ما حده الله للشقاء والغرابيل
قلبي معك ذاك أمس تامر وتنهاه
واليوم عيني منك ماتسهر الليل
نسيت حبك وأنت ياليت تنساه
أيامنا ضاعت خداعٍ وتمثيل
عزي لقلب مثل قلبك تولاه
ماعاد ابي للي حصل منك تعليل
هذا الفراق اللي تبيه وتمناه
خلك بعيد وعلها لك تساهيل