ريحة كفر - عبدالله الملحم
ريحة كفر ..
تفوح اذا زاد العشم .. معْ كثرة الإيمان !!
يشمّها منهو توغّل حلم ..
يكتب حروفه غامضة .. سِلْم !
لا تغتفر ..
حتى ولو قلنا بَشَر ..
وان الخطا ما بيننا وارد ..
وبعض ذنوبنا إحسان !!
لو كان ما فِ الأرض غيري يعشقك .. ما غديتي !
وذا عادي ..
ولو يوم نتّفت لرضاك رمشي .. ما رضيتي
وذا ..
عادي ؟؟؟
ما ألومك ..
كل ما حاولت احاول فيك .. بدّلتي هدومك !!
بتسافري ؟؟
شدّيت لك .. حان السَفَر !!
بتربّعي ؟؟
ربّعت لك .. لو في قِفَر !!
أما آن الأوان آقول :
إن العطر ما هو عطر
مهما معك خبّيت !
وان الثلاثة والصفر ..
هم اعتقادك للّعب ..
في طاولة (روليت)* !!
نفرّها بعكّاز ..
ويلعب بها اللي قبل يبدا اللعب .. فاز !!
مين راضي ..؟
يا عارية .. مين راضي ؟؟
هاكي بعض ما بي ..
روحي خذي لك لبس .. روج .. دهن عود
وشويّة مقاضي !!
___
(الروليت)