تموت فيني وراحت - عبدالله الملحم
الناس من يوم الرحيل افقدوني
غطّت ثلوج (المدخنة) ثم ساحت
وانا بوسط (الكوخ) مِلْك لجنوني
أفتح رسايل عطّرَتها وفاحت
مسكين انا لاصرت عايش بدوني
ونجوم خاوتني مسافات طاحت
شقول لاحلامٍ بَنَتها ف كوني ؟؟
شقول لعروق انشفت بي وناحت ؟؟
راحت ؟؟ .. بعد ماهي خذتني بهوني
ثم املكتني يوم بالشوق باحت
أوّل لقا قالت : (ترى لك شجوني)
وآخر لقا قالت : (أحبّك) وصاحت
ياليتها مافارقت عن جفوني
أو ليتها ماجاتني واستراحت
واللي ذبح قلبي .. وسهّر عيوني
تحبّني .. وتموووت فيني .. ورااحت !